Sigon þá tó slaépe· sum sáre angeald æfenræste swá him ful oft gelamp siþðan goldsele Grendel warode· unriht æfnde oþ þæt ende becwóm, swylt æfter synnum. Þæt gesýne wearþ wídcúþ werum þætte wrecend þá gýt lifde æfter láþum lange þráge æfter gúðceare Grendles módor ides áglaécwíf yrmþe gemunde sé þe wæteregesan wunian scolde cealde stréamas siþðan camp him wearð tó ecgbanan ángan bréþer fæderenmaége· hé þá fág gewát morþre gemearcod mandréam fléön· wésten warode. Þanon wóc fela geósceaftgásta· wæs þaéra Grendel sum, heorowearh hetelíc· sé æt Heorote fand wæccendne wer wíges bidan· þaér him áglaéca ætgráepe wearð· hwæþre hé gemunde mægenes strenge gimfæste gife ðe him god sealde ond him tó anwaldan áre gelýfde frófre ond fultum· ðý hé þone féond ofercwóm· gehnaégde helle gást· þá hé héan gewát dréame bedaéled déaþwíc séön, mancynnes féond. Ond his módor þá gýt gífre ond galgmód gegán wolde sorhfulne síð, sunu déoð wrecan· cóm þá to Heorote ðaér Hring-Dene geond þæt sæld swaéfun· þá ðaér sóna wearð edhwyrft eorlum siþðan inne fealh Grendles módor· wæs se gryre laéssa efne swá micle swá bið mægþa cræft wíggryre wífes bewaépned men þonne heoru bunden hamere geþuren sweord swáte fáh swín ofer helme ecgum dyhttig andweard scireð.
Sigon þá tó slaépe· sum sáre angeald
ResponderEliminaræfenræste swá him ful oft gelamp
siþðan goldsele Grendel warode·
unriht æfnde oþ þæt ende becwóm,
swylt æfter synnum. Þæt gesýne wearþ
wídcúþ werum þætte wrecend þá gýt
lifde æfter láþum lange þráge
æfter gúðceare Grendles módor
ides áglaécwíf yrmþe gemunde
sé þe wæteregesan wunian scolde
cealde stréamas siþðan camp him wearð
tó ecgbanan ángan bréþer
fæderenmaége· hé þá fág gewát
morþre gemearcod mandréam fléön·
wésten warode. Þanon wóc fela
geósceaftgásta· wæs þaéra Grendel sum,
heorowearh hetelíc· sé æt Heorote fand
wæccendne wer wíges bidan·
þaér him áglaéca ætgráepe wearð·
hwæþre hé gemunde mægenes strenge
gimfæste gife ðe him god sealde
ond him tó anwaldan áre gelýfde
frófre ond fultum· ðý hé þone féond ofercwóm·
gehnaégde helle gást· þá hé héan gewát
dréame bedaéled déaþwíc séön,
mancynnes féond. Ond his módor þá gýt
gífre ond galgmód gegán wolde
sorhfulne síð, sunu déoð wrecan·
cóm þá to Heorote ðaér Hring-Dene
geond þæt sæld swaéfun· þá ðaér sóna wearð
edhwyrft eorlum siþðan inne fealh
Grendles módor· wæs se gryre laéssa
efne swá micle swá bið mægþa cræft
wíggryre wífes bewaépned men
þonne heoru bunden hamere geþuren
sweord swáte fáh swín ofer helme
ecgum dyhttig andweard scireð.